2014(e)ko azaroa 27, osteguna

5. hausnarketa

Aste honetako magistral klasean 6. eta 7. taldeok aurkezpena egin genuen. Bi taldeok artikulu bera (Hik Hasi Ikasleen Segurtasuna 2.0n) geneukan, bi zatitan banaturik. Aurkezpenaren ideia orokorra hauxe izan zen: Internet gaur egungo gizartean duen eragina, ondorio kaltegarriak baita abantailak kontuan hartuz, eta Internet segurtasunez erabiltzeko neurriak eta estrategiak.


Izan ere, egungo gizartean informazioa eskuratzeko eta besteekin komunikatzeko internet funtsezkoa izan arren, horrek zenbait kalte eragin ditzake, batez ere, haurrengan. Haur pornografia, arrazakeria, indarkeria... sustatzea errazten du,  gezurretako informazioa eskaintzeko aukera ematen du eta, pribatasuna urratzen du, bertan jartzen den informazio pertsonala babestu ezin delako, eta guztion eskura utziz.


Hortaz, irakasleek egiten duten lana funtsezkoa da, baina gogoan izan behar dugu arazoa ez dela ikastetxeena bakarrik, ikasleen ehuneko handi batek Internet ikastetxetik kanpo erabiltzen baitute. Hala ere, ikastetxean heziketa eta prebentzioa izango dira beti babeserako tresnarik onenak.

Saio praktikoan, Bilboko Irakasleen Unibertsitate Eskolan (BIUE) orain dela 51 urte ikasi zuten andra batzuen bisita euki genuen

Hasteko, JClic aztertu dugu. JClic hezkuntzara bideratutako multimedia jarduerak sortzeko, egiteko eta ebaluatzeko Java plataformarako sortutako webgunea da. Honek, hainbat irakasgai, adin eta gai desberdinei buruzko ariketekin ikasteko aukera ematen du.

Klasean jadanik sortuta zeuden jarduera batzuk ikusi genituen, beraien artean matematikak lantzeko bi adibide jartzen dizkizuet: Neurriak eta Buruzko kalkulua

Ostean, Educaplay aztertu dugu. Educaplay, JClic bezala, hezkuntzara bideratutako multimedia jarduerak sortzeko eta egiteko plataforma bat da.

Plataforma honetan harpidetu behar izan gara, zenbait ariketa sortzeko asmoz. Hona hemen bikoteka sortutako bi jarduera ezberdinak.

Mundua ezagutzen

  


  

Eskola 2.0 proiektua hornitzearren, material digitalak egiteko zenbait ekimen abian jarri dira. Horien uzta islatzeko webgune hau osatzen ari dira. Webgune hau material horiek topatzeko tresna besterik ez da. Kontuan hartu hor daudenak baino baliabide gehiago aurki daitezkeela sarean eta hor agertzen direnak beste leku batzuetan ere egon daitezkeela.

Ondoren, Pixton programa erabili genuen. Pixton komikiak sortzeko aplikazio bat da. Klasean bikoteka baliabide hau frogatzeko komiki bat sortu genuen: "Egunpasa mendian".

GoAnimate, aldiz, komiki animatuak (komikiak mugimenduarekin) sortzeko tresna bat da. Aplikazio hauek interesgarriak dira ikasleek sormena garatzeko, baita hizkuntzka eta Teknologia Berriekiko trebezia lantzeko ere.

Wikispace wikiak sortzeko plataforma bat da. Wiki-ak aukera ematen dute lehen sortu dugun zerbait geroago berriz editatzeko. Editazio hori guk edo beste norbaitek egin dezake navigatzailearen bitartez.

Adibidez, RecursosparaProfes wiki bat da eta bertan ikasleekin erabiltzeko herraminta asko aurki ditzakegu.

Azkenik, LMS (Learning Management System), PLE (Personal Learning Environment) eta MOOC (Massive Online Open Course) -ri buruz hitz egin genuen.


Bloom's Taxonomy, Changes to Bloom's

Gaur egun ez dira edukiak ebaluatzen, helburuak baizik. Ikaslea kapaza izan behar da, batez ere, sortzeko.


https://enrichmentatstbenedict.wordpress.com/2014/04/29/blooms-taxonomy-is-revised/

Saio amaieran, mindomorekin, teknologien erabileraren inguruko eskema bat hasi genuen, baina ez genuen bukatu.

Klase aste hau oso erabilgarria izan dela uste dut, ezagutzen ez nituen zenbait baliabideen berri izan dudalako eta etorkizunean  hezkuntzan aplikatuko ditudalakoan nago.

iruzkinik ez:

Argitaratu iruzkina